მაისს გულში არ ეტევა მზის ტრფიალი...
სხივებს ისვრის, ისარივით ლახვრავს...
მწველი არის გამოწვევა, ალმურს აბნევს,
სიყვარულის ანა-ბანას ხლართავს...
მზე სხივების ჯიღას ისე აგვირისტებს,
ისე ნაზად აციმციმებს სხივებს...
თავზე გვირგვინს ვის დაადგამს არვინ იცის,
არვინ იცის ვის შეახებს თითებს...
მაისის მზე ცხოველმყოფელ სხივებს ისვრის...
წითელ ბარდებს უთამაშებს ბაგეს...
თავად ვარდი
თავს იწონებს...
იპრანჭება...
სიყვარულის დიდ ბადეში ახვევს...
