რამ გააგიჟა მდინარე?!

რამ გააგიჟა მდინარე,
ნეტა რამ გაავერანა?!
რად არ დაინდო ბუნებამ
დედიშობილა ქვეყანა....
რად არ დაინდო სტიქიამ
ეს ერთი ბეწო ალაგი,
ღვთითკურთხეული,ლამაზი,
ხალხი თბილი და ამაყი....
რატომ არ შერცხვა ბუნებას
ასე რომ გამოიმეტა...
კვნესა-გოდებას და ტირილს
ღვარცოფი შემოაფეთა.
დაგლიჯა,გული გაგლიჯა,
სხეული ქვიშას შერია....
და აატირა სუყველა-
მოყვარეა თუ მტერია....
რამ გააგიჟა მდინარე,
ასე რამ გაავერანა?
რატომ გაწირა ამგვარად
დედიშობილა ქვეყანა?!
                                               15.06.2015